દ્વારામતીથી રે, તે દી વરતાલે આવ્યા ૨/૪

દ્વારામતીથી રે, તે દી વરતાલે આવ્યા ;

રુક્મણી સહિતા રે, હરિ સંત તણે મન ભાવ્યા. ૧

હરિજન મળીયા રે, બહુ દેશના બહુ હરખે ;

લક્ષ્મીનારાયણ રે, રુપે શ્રીકૃષ્ણને નીરખે. ર

છેલ છોગાળો રે, રણછોડ વરતાલે વસિયા ;

સ્વપ્ને સૌના રે, જોઇ વદન કમળ વિકસિયા. ૩

ઉત્સવ કીધો રે, ફૂલડોલતણો અતિ ભારી ;

શિષ્યો સહિત ત્યાં રે, સ્વામી પૂજ્યા મોરારી. ૪

દ્વારામતીથી રે, જ્યારે કૃષ્ણ વરતાલ સુહાવ્યા ;

ત્યારે સર્વે રે, સામગ્રી સાથે લાવ્યા. પ

ધારતલાઇ રે, ત્યાં ગોમતી સ્થાપી દીધી ;

બ્રહ્માનંદ કહે રે, વરતાલ દ્વારિકાં કીધી. ૬

મૂળ પદ

ઉત્‍સવ ઉપરે રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી