આવોને નવરાવું કાના રે, જમનાને પાણીએ રે ૮/૮

 

આવોને નવરાવું કાના રે, જમનાને પાણીએ રે ;

જમો મહી માખણ ઝાઝું રે, બોલો મીઠી વાણીએ રે. ૧

કાજુ તારે રેશમ કેરી રે, શીવાડું ચોરણી રે;

અંગરખા અજબ બનાવું રે, કાશીદાની કોરણી રે. ર

દડુલો ગુંથીને આપીશ રે, ખાસો તારે ખેલવા રે ;

જમાડીને આવીશ જીવન રે, અહીંયાં તુને મેલવા રે. ૩

રૂડી તારે રમવા સારૂ રે, ઘડાવીશ ગાડલી રે ;

પરણાવીશ પ્રાણજીવનને રે, રૂપાળી લાડલી રે. ૪

પરણ્યાને નામે પ્રીતમ રે, રાજી થયા ચિત્તમાં રે ;

વહાલો બ્રહ્માનંદનો રે, જમવા પધાર્યા પ્રીતમાં રે. પ

મૂળ પદ

ગઇ’તી હું પાણીડું

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી