કોડીલા નંદકુમાર, વહાલા મનમાં વસી તારી મૂરતિ ૧/૪

૯૦૧   પદ  :  ૧ (રાગ ગરબી)       

 

કોડીલા નંદકુમાર, વહાલા મનમાં વસી તારી મૂરતિ ;        

 મારા હૈડાના નૌતમ હાર, વહાલા ક્ષણું ન મેલું ઉરથી.      ટેક.

 ફેંટો અજબ રંગીલો ફુટરો, કાજુ નવલ સોનેરી કોર.        વ૦ ૧

 કોઈક પ્રેમી તે જનની કીધલી, રૂડે શોભે છે ચંદન ખોર.     વ૦ ર

 છોગાવાળા છેલા તારું છોગલું, આવી ખુતું  અંતરમાં ખૂબ.   વ૦ ૩

 જોઈ ગરક થઈ હું તો જાદવા, મારા મનમાન્યા મેહેબૂબ.   વ૦ ૪

 કામણગારી પ્યારા તારી આંખડી, ઘેલું કીધું છે ગોકુળ ધામ.        વ૦ પ

 બ્રહ્માનંદના પ્યારા તારે ઉપરે, વારી હું કોટીક કામ.        વ૦ ૬ 

મૂળ પદ

કોડીલા નંદકુમાર

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી