એના વચન જો તૂં લોપીશ રે, મન સુખ તો નહીં પામીશ રે ૫/૬

 

એના વચન જો તૂં લોપીશ રે, મન સુખ તો નહીં પામીશ રે, 
હરિ છે સમર્થ અતિ મોટા રે, એના વચન કર્યમાં તૂં ખોટા રે... ૧
તારે એનું સુખ જો જોઇએ રે, તો તો આજ્ઞામાં રહેવું જોઇએ રે, 
મન ફાવે તેમ રહેવું તારે રે, કયાંથી સુખ આપે પ્રભુ પ્યારે રે... ૨
વચન લોપતા ફડકી જાવું રે, એ જ ઘડીએ સાવધાન થાવું રે, 
બીવું હરિથી તારે રાત-દિન રે, રહેવું અતિ અતિ આધિન રે... ૩
જ્ઞાનજીવન સુખીયા થાવા રે, દેવા નહીં વચનો લોપાવા રે, 
પ્રભુ સમર્થ અતિ દયાળુ રે, કરશે જીવન તારૂ સુખાળું રે... ૪

મૂળ પદ

સુખ દુઃખનું કારણ મન રે, એમ કહે છે મોટા સંતજન રે,

મળતા રાગ

સંત બોલે તે ભેળો હું બોલું રે

રચયિતા

જ્ઞાનજીવનદાસજી સ્વામી-કુંડળ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી