જે તન દેખી છાક્યો ડોલે, તે તું દેખ વિચારીજી;૬/૮

૨૪૩૯  ૬/૮   પદ : ૬

 

જે તન દેખી છાક્યો ડોલે, તે તું દેખ વિચારીજી;

નખ શિખ સુધી નિંદ્યા જેવું, શી માંહી વસ્તુ સારીજી.                ૧

માંસ રુધિરને માંહી ભરીને , ઉપર મઢિયું આળુંજી;

મોહતણે વશ થઇને, મૂરખ દેખે છે રૂપાળુંજી.                         ૨

હાડતણા પગ હાથ બનાવ્યા, કટકા કટકા સાંધીજી;

તે માંહી દ્રઢ મમતા તુંને, એ શી આવી આંધીજી.                     ૩

ઉદરમાંહી આંતરડાં ભરિયા, આવે ગંધ નઠારીજી;                       

રગરગમાં રોગે વીંટાણું, મળ મૂતરની ક્યારીજી.                       ૪

ટળતા એને વાર ન લાગે, આદિ અંતનું ખોટુંજી;

બ્રહ્માનંદ કહે એ સારું , તેં કામ બગાડ્યું મોટુંજી.                     ૫ 

મૂળ પદ

દાટ્યો રહેને ચોર દૈવના, શું મુખ લઇને બોલેજી;

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
નમુનો આખું ડાઉનલોડ	પૂર્ણસ્વરૂપ સ્વામી - સરધાર		શ્રી સ્વામિનારાયણ મંદિર - સરધાર જી. રાજકોટ, ગુજરાત INDIA- +91(2781)81211, +91 7600058503		પરંપરાગત (સ્વરકાર)	ઉપદેશવાણી	Studio	Audio	0 0