ગોકુલથી ગિરિધર રે, મથુરા જઇ રહ્યા;૧/૯

વિરહનાં પદો *

૨૪૬૭ ૧/૯   પદ : ૧

 

ગોકુલથી ગિરિધર રે, મથુરા જઇ રહ્યા;કાગળ કોઇ નાવ્યો રે, બહુ દિન વીતી ગયા.        ૧

તેણે દાઝે રાધા રે , જળે બહુ અંતરમાં;બહાંરે સુખ નાવે રે, ન રહેવાયે મંદિરમાં.            ૨

વ્રેહડાની ઝાળે રે , લાગ્યુ તન બળવાને ;મનડું અકળાયે રે, કે મોહન મળવાને .             ૩

વાલમ વીસર્યાની રે, પીડા નથી સેવાતી;તે દુઃખની મારી રે, ભરી આવે છાતી.               ૪

ચિત્તડામાં ચિતા રે, કે અંગ ઉતાપ ઘણો;હૈડામાં મોટો રે , તાપ વિયોગ તણો.                ૫

બ્રહ્માનંદ વ્રેહ દાઝે રે, રહી છે સીઝીને;પોતાનાં દુઃખની રે , વાતુ કહે બીજીને .               ૬ 

મૂળ પદ

ગોકુલથી ગિરિધર રે, મથુરા જઇ રહ્યા;

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી