એ કપટીની વાતુ રે, ન જાણી આગળથી;૪/૯

 ૨૪૭૦ ૪/૯ પદ : ૪

એ કપટીની વાતુ રે, ન જાણી આગળથી;

જાઇ કોઇકના ઠાર્યા રે મુને મેલી બળતી. ૧

મુજને વિસારી રે, પ્યારી કરી બીજીને;

દુઃખના દરિયામાં રે , રહી છું ભીંજીને.  ૨

કહેવાનું બીજું રે, કે ત્રીજું કરવાનું;

એને લક્ષણ પડિયું રે , બીજે ઘરે ફરવાનું.  ૩

હૈડામાં હુન્નર રે, કે એને બહોત ભર્યા;

પેલી પ્રીત કરીને રે , એણે મારા પ્રાણ હર્યા.  ૪

ગયા વ્રહ વશ મુને રે, કે ઉભી મેલીને;

સોહાગણ કીધી રે , કોઇ અલબેલીને.  ૫

કોઇને વશ થઇને રે , પિયે સુધ વિસારી;

બ્રહ્માનંદ વ્રહડાને રે, કે બાણેથી મારી.  ૬

 

મૂળ પદ

ગોકુલથી ગિરિધર રે, મથુરા જઇ રહ્યા;

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી