કાંતો વેલા આવી રે, કે દરશનિયાં દેજો;૭/૯

 

૨૪૭૩ ૭/૯           પદ : ૭

 

કાંતો વેલા આવી રે, કે દરશનિયાં દેજો;

કાંતો જેમ તેમ કરીને રે, કે તેડાવી લેજો.                   ૧

જીવાડવા ઇચ્છો રે, તો વાનું એક કરો;

નહીં તો વાલમજી રે , કે જાશે જીવ ખરો.             ૨

મુને વ્રેહને બાણે રે, ગયા છો મારીને;

કેને આગે જાઇને રે, કહું પોકારીને .                     ૩

એ પીડાની વાતું રે , સંસારથી ન્યારી છે;

ઓષડ ન લાગે રે, કે વેદના ભારી છે.                   ૪

વિરહી જનની પીડા રે, વિરહી જન જાણે રે;

કે જાણે મેરમ રે, મારી જેને બાણે રે.                     ૫

જેણે બાણ જ માર્યુ રે , તેથી પીડાં ટળશે;

બ્રહ્માનંદ તો જીવે રે, જો વાલમજી મળશે.                ૬ 

મૂળ પદ

ગોકુલથી ગિરિધર રે, મથુરા જઇ રહ્યા;

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી