જો કોઇ વધાઇ રે, દિયે મારા નાવ તણી;૮/૯

૨૪૭૪ ૮/૯           પદ : ૮

 

જો કોઇ વધાઇ રે, દિયે મારા નાવ તણી;

તો જાણું જીવાડી રે, કે દીધી મોજ ઘણી.              ૧

પિયા મળવાને કાજે રે, કે અંતર આતુરતા;

આ આંખે દેખુ રે, કેદી લટકાં કરતા.                    ૨

દુઃખડાની ઝાળે રે, કે બાહેર માંહી બાળી;

તે જાણે સાંઇયાં રે, કે નારી વ્રેહવાળી.                  ૩

જેવી વ્રેહની પીડા રે, તેવી નહીં ભાલાની;

સાંભરતાં સાલે રે, કે વાતડી વહાલાની.                ૪

જડીબુટ્ટીની એલમ રે, તેથી નવ ફેર પડે;

પ્રીતમની પીડા રે, કે દિન ને રેણ નડે.                   ૫

બ્રહ્માનંદ કહે વેદના રે , કે અદકી તીર થકી;

જાણે મીનને નાંખ્યુ રે, કે છેટે નીર થકી.               ૬ 

મૂળ પદ

ગોકુલથી ગિરિધર રે, મથુરા જઇ રહ્યા;

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી