તમે કામણગારા કાન, કામણ જાણો છો;૨/૪

૨૪૭૭ ૨/૪ પદ : ૨

તમે કામણગારા કાન, કામણ જાણો છો;

રૂડી મોરલડીને તાન, ચિતડાં તાણો છો. ૧

બીજે છોગાં મેલી છેલ, નિત્ય પધારો છો;

અમને છેટે રહીને શીદ, મેહેણાં મારો છો. ૨

વારી કોઇને ઘેર જાઇ નાથ, ખાંતે ખેલો છો;

વહાલા નવા કરો છો નેહ, જૂનાને મેલો છો. ૩

તમે પડોશણને પાસ, નિશ દિન રહો છોજી;

આવી અમ આગે અલબેલ, કુડું કુડું કહો છોજી. ૪

જાણ્યાં જાણ્યાં તમારા કામ, જાદુગારાજી;

તમે ધુત્યું ગોકુળ ગામ, છો ધુતારાજી. ૫

આવા મુંઘા થયા છો માવ, અમ ઘર આવંતા;

બ્રહ્માનંદ કહે બીજા કેડ, ડોલો ગાવંતા. ૬

મૂળ પદ

વહાલા અમ સાથે રે, અલબેલ આંટી રાખો છે;

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી