ઓરા આવોને નંદજીના લાલ, કાંઇ કહેવું છે;૪/૪

 ૨૪૭૯   ૪/૪                      પદ : ૪

ઓરા આવોને નંદજીના લાલ, કાંઇ* કહેવું છે;

મારે એકાંતે તમ પાસ, રસિયા રહેવું છે. ૧

તમે લટકે વજાણી વેણ, મનડુ મ્હોવાને;

સુણી આવી છું અલબેલ, મુખડું જોવાને.    ૨

મુને લાગે છે પ્યારી લાલ, મુખની વાતલડી;

તમને મળવા કારણ માવ, હરખે છાતલડી.              ૩

વહાલા તમ વિના ત્રિભુવનરાય , પળ નથી રહેવાતું;

તમે છેટે રહો છો શ્યામ, એ દુઃખ નથી સેહેવાતું .  ૪

મારું મન લોભાણું માવ, માને નહીં બીજે ;

કાના આવોને એકાંત, ગોઠડલી કીજે        ૫

વારી બ્રહ્માનંદના નાથ, દુઃખડાં કાપોને;

વહાલા મેર કરીને મોરાર, દરશન આપોને.  ૬

*             ‘કાંઇક ‘ ઇતિ પાઠાંતર .

 

 

મૂળ પદ

વહાલા અમ સાથે રે, અલબેલ આંટી રાખો છે;

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી