ઓધવ મારી વિનતડી કેહેજો, વહાલા મારી સાર વેહેલી લેજો;૧/૪

પદ ૧૨૭ મું-રાગ ભૈરવી ગરબી(૧/૪)

ઓધવ મારી વિનતડી કેહેજો, વહાલા મારી સાર વેહેલી લેજો;  ઓધ૦ ટેક.

તમારા ચરણથી મુરારી, અધ ક્ષણ રહી નથી ન્યારી;

હવે મને વિરહ નાંખે મારી.  ઓધ૦ ૧

નાથ છું ચરણતણી દાસી, શરણ છું મન ક્રમ વિશ્વાસી;

મેલી કેમ અધવચ અવિનાશી.  ઓધ૦ ૨

નાથજી નમેરા થઇને, ગયા છો પ્રાણ મારા લઇને;

ખોટા ખોટા દીલાસા દઇને.  ઓધ૦ ૩

જોશો માં અવગુણિયા મારા, દીનપર દયા કરનારા;

કૃપાસિંધુ પ્રાણજીવન મારા.  ઓધ૦ ૪

શરણાગત બરદ તે સંભારી, નાથજી દેશો માં વિસારી;

પ્રેમાનંદ જાયે બલહારી.  ઓધા૦ ૫

 

મૂળ પદ

ઓધવ મારી વિનતડી કેહેજો, વહાલા મારી સાર વેહેલી લેજો;

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી