પદ ૩૪૦ મું-રાગ બીહાગના મહિના લિખ્યતે(૧/૧)
સખી પિયા બીનું પરત ન ચેન, રયની મોયે બેરન ભાઇ;
સખી બિરહ બિરહબીથાકી પીર, પિયા મોરી જાનત નઇ. સખી૦ ટેક.
જેઠ માસ પિયા બીછુરે મોરે શ્રીઘનશ્યામ સુજાન;
કહારી કરું મોયે કલ ન પરત અબ, નિકસત નહીં પાપી
પ્રાન જાત નહીં કોઉસું કઇ. સખી૦ ૧
આયો અસાડ પરત બડી બુંદન, મોર મચાયો સોર;
કેસી કરું ઘનશ્યામ બિના મોયે, કલ ન પરત નિસભોર
સુધ બુધ બિસર ગઇ. સખી૦ ૨
સાંવનમેં સબ સખી મિલી, ઝૂલત પહિરી નવરંગ ચીર;
મોંસી અબલા પરમ અભાગિની, બહત નેના દોઉં નીર
રોવત નીત હાય દઇ. સખી૦ ૩
ભાદોં દૈવા બરસે ચઉ દીશ, બોલત દાદુર મોર;
ગરજે તરજે લરજે જીયરા, બિરહા તાવત તન જોર
શ્યામ મોરી સુધઉં ન લઇ. સખી૦ ૪
લાગે કુંવારમેં કંથ નહીં ઘર, બિરહની કરત બીલાપ;
કહારી કરું કોઇ પઠઇ ન પાતી, અજઉં ન આયે આપ
શ્યામકું અસ ન ચઇ. સખી૦ ૫
કાતિક દીપદીવારી આઇ, ઘર ઘર દીપક બારી;
કહારી કરું ઘનશ્યામ બિના મોયે, લગતહે ભુવન ઉજારી
લગત ડર દિવસ મઇ. સખી૦ ૬
અગહન લે અરજી અબલાકી, કોંન સુનાવે જાય;
મારત મદન કુસુમશર હરિ બિના, નિઠુર રહે કહાં છાય
પીર નહીં જાત સઇ. સખી૦ ૭
પુસહિ પલંગ સવારી સુંદર, હેરું પંથ હમેશ;
કોનહિ ચુક બીસારી બાલમ, બીલમી રહેરી બીદેશ
તપત મેરો તન જ્યું તઇ. સખી૦ ૮
માઘહી મોહન કારન સજની, બીલક ફીરું દિન રાત;
કહારી કરું ઘનશ્યામ બિના, અબ કરીઉં પ્રાનકી ઘાત
કહિયો કોઇ હરિસું જઇ. સખી૦ ૯
ફાગુનમેં કવની સંગ ખેલું, પિયા બિના રંગ હોરી;
કાપેં છીરકું રંગ શ્યામ બિના, મૃગમદ કેસર ઘોરી
મનઉંકી મનમેં રઇ. સખી૦ ૧૦
ચૈતહીં ચિંતા ઉપજી ભારી, પલ છીન પરત ન ચેન;
મદન નિસાચર દેત મહા દુ:ખ, જાત રોવત દિનરેન
મરુંગી મેં બિખહી ખઇ. સખી૦ ૧૧
બૈસાખે ઘનશ્યામ ન આયે, બીતે બારહ માસ;
પ્રેમાનંદ તજી પ્રાન જાઉં અબ, ધર્મકુંવરકે પાસ
બીલમ નહીં ચલી અબહિં. સખી૦ ૧૨