જેઠ માસે પરદેશ પધાર્યા, પ્રીતમ તોડીને પ્રીત રે૧/૧૩

પદ ૪૬૯ મું-રાગ ગરબી(૧/૧૩)

આજ ગઇતી હું તો જમુનાના પાણી, માથે હેલ ઉપાડીરે, એ ઢાળ છે.

 

જેઠ માસે પરદેશ પધાર્યા, પ્રીતમ તોડીને પ્રીત રે;

આવું તે ન ઘટે વહાલા તમને, બાલ સનેહિ મીત રે.  ૧

બાલ સનેહિ મિત્ર હરિવર, હૈડા કેરા હાર રે;

ડોલરિયા ક્યારે દેખશું તમને, નેણતણા શણગાર રે.  ૨

પ્રેમીજનના પ્રાણજીવન છો, તમ દીઠે સુખ થાય રે;

વ્રહને બાણે વેંધી ગયા જીવન, પળ પળ જુગ સમ જાય રે.  ૩

નેહ નિભાવણ બાંહ ગ્રહીને, છેક ન દીજે છેહ રે;

પ્રેમાનંદના નાથ વધારો, આવીને નવલા નેહ રે.  ૪ 

મૂળ પદ

જેઠ માસે પરદેશ પધાર્યા, પ્રીતમ તોડીને પ્રીત રે

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી