એવા પાપી પાડે મારગ મોક્ષથીરે, ૫/૬

પદ ૬૨૦ મું(૫/૬)

એવા પાપી પાડે મારગ મોક્ષથીરે, મુખે કથી મિથ્યા બ્રહ્મજ્ઞાન;

સંત સવેં કહું તે સત્ય માનજોરે.  સંત૦ ટેક.

દેખાડે સભર ભર્યો આતમારે,ખોદે આકાર અવતાર તોડી તાન.સંત૦ ૧

જન અર્થી હોયે જે કલ્યાણનારે, કરે જો પાપીમાંહી પરતીત;

જેવો પોતે નાસ્તિક પાપી હોયેરે, શિખાવે સર્વે તેવી રીત.  સંત૦ ૨

પછે સંત સાકાર મારી મૂર્તિરે, તેમાં દોષ પરઠે તતકાલ;

તજી સેવા ઉપાસના આશરોરે, થઇ બેસે તે બ્રહ્મકુદાલ.  સંત૦ ૩

કેવળ કથે મિથ્યાબ્રહ્મજ્ઞાનનેરે, મારી ઉપાસના તજી જન;

પ્રેમાનંદનો સ્વામી કહે શ્રીહરિ રે, થઇ પિશાચ ફરે વનોવન.  સંત૦ ૪

________________________

* “તર્યાને” પાઠાન્તર છે.

મૂળ પદ

બલિહારી શ્રીગિરિધરલાલનીરે

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી