એકાદશી થઇ એ વાત સર્વે જાણો રે એના વ્રત કેરી રીતભાત ઉરમાં આણો ..૧/૪

 

એકાદશી થઇ એ વાત સર્વે જાણો રે,

એના વ્રત કેરી રીતભાત ઉરમાં આણો રે. ટેક૦

સુતા જોઇને શ્યામને રે લડવાની કરીહામ,

નાડીજંઘનો દીકરો રે, આવ્યો મુરદાનવ એનું નામ. સર્વે૦ ૧

ઇંદ્રિય એકાદશ શ્યામનાં રે, તેનું જે કાંઇ તેજ,

તેમાંથી પ્રગટી પ્રમદા રે, દેખી વરવા ઇચ્છયો એજ. સર્વે૦ ૨

તે સંગે બોલી સુંદરી રે, યુદ્ધ કરી મુને જીત,

ત્યારે વરું હું તુજને રે, એમ કહી દેખાડી રીત. સર્વે૦ ૩

કન્યાને સંગ લડવા રે આવ્યો એ અસુર,

ભૂમાનંદ કહે ખડગે રે, એનું શિર છેદી નાખ્યું દૂર. સર્વે૦ ૪

મૂળ પદ

એકાદશી થઇ એ વાત સર્વે જાણો રે

મળતા રાગ

સામેરી

રચયિતા

ભૂમાનંદ સ્વામી

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
નમુનો આખું ડાઉનલોડ	ચંદુભાઈ રાઠોડ (ગાયક)		શ્રી સહજાનંદ સંસ્કારધામ મહામંત્રપીઠ ફરેણી જી.રાજકોટ gujarat india phone:-+91-2824-283383/283108/9662517626		પરંપરાગત (સ્વરકાર)	કીર્તનમાળા-૩	Studio	Audio	1 0