શ્રી વાસુદેવ વિમલામૃતધામવાસં,
નારાયણં નરકતારણનામધેયમ્;
શ્યામં સિતં દ્વિભુજમેવ ચતુર્ભુજં ચ
ત્વાં ભક્તિધર્મતનયં શરણં પ્રપદ્યે... ૧
શિક્ષાર્થમત્ર નિજભક્તિમતાં નરાણા-
મેકાન્તધર્મમખિલં પરિશીલયન્તમ્;
અષ્ટાંગયોગકલનાશ્ચ મહાવ્રતાનિ...ત્વાં ભક્તિ૦ ૨
શ્વાસેન સાકમનુલોમવિલોમવૃત્યા,
સ્વાન્તર્બહિશ્ચ ભગવત્યુરૂધા નિજસ્ય;
પૂરે ગતાગતજલામ્બુધિનોપમેયં...ત્વાં ભક્તિ૦ ૩
બાહ્યાન્તરિન્દ્રિયગણશ્વસનાધિદૈવ
વૃત્યુદ્ભવસ્થિતિલયાનપિ જાયમાનાન્;
સ્થિત્વાતતઃસ્વમહસા પૃથગીક્ષમાણં...ત્વાં ભક્તિ૦ ૪
માયામયાકૃતિતમોઽશુભવાસનાનાં,
કર્તુ નિષેધમુરૂધા ભગવત્સ્વરૂપે;
નિર્બીજસાંખ્યમતયોગગયુક્તિભાજં...ત્વાં ભક્તિ૦ ૫
દિવ્યાકૃતિત્વસુમહસ્ત્વસુવાસનાનાં;
સમ્યગ્વિધિં પ્રથયિતું ચ પતૌ રમાયા;
સાલંબસાંખ્યપથયોગસુયુક્તિભાજં...ત્વાં ભક્તિ૦ ૬
કામાર્ત્ત તસ્કરનટવ્યસનિદ્વિષન્તઃ,
સ્વસ્વાર્થ સિદ્ધિમિવ ચેતસિ નિત્યમેવ;
નારાયણં પરમયૈવ મુદા સ્મરન્તં...ત્વાં ભક્તિ૦ ૭
સાધ્વીચકોરશલભાસ્તિમિકાલકંઠ
કોકાનિજેષ્ટવિષયેષુ યથૈવ લગન;
મૂર્તૌ તથા ભગવતોત્ર મુદાતિલગન્ં...ત્વાં ભક્તિ૦ ૮
સ્નેહાતુરસ્ત્વથ ભયાતુર આમયાવી,
યદ્વત્ક્ષુધાતુરજનશ્ચ વિહાય માનમ્;
દૈન્યં ભજેયુરિહ સત્સુ તથા ચરન્તં...ત્વાં ભક્તિ૦ ૯
ધર્મસ્થિતૈરુપગતૈર્બૃહતાં નિજૈક્યં,
સેવ્યો હરિં: સિતમહઃ સ્થિતદિવ્યમૂર્તિ;
શબ્દાદ્યરાગિભિરિતિ સ્વમતં વદન્તં...ત્વાં ભક્તિ૦ ૧૦
સદ્ગ્રન્થનિત્યપઠનશ્રવણાદિસક્તં
બ્રાહ્મીંચ સત્સદસિ શાસતમત્રવિદ્ય