વિઘ્નેશ ! વિઘ્નચયખંડનનામધેય !,
શ્રીશંકરાત્મજ ! સુરાધિપવન્દ્યપાદ !;
દુર્ગા મહાવ્રતફલાખિલમંગલાત્મન્ !;
વિઘ્નં મમાપહર સિદ્ધિવિનાયક ! ત્વમ્. ૧
સત્પદ્મરાગમણિવર્ણશરીરકાન્તિઃ,
શ્રીસિદ્ધિબુદ્ધિ પરિચર્ચિતકુંકુમશ્રીઃ;
દક્ષસ્તને વલયિતાતિમનોજ્ઞશુણ્ડો, વિઘ્નં મમાપહર૦ ૨
પાશાંકુશાબ્જપરશૂંશ્ચ દધચ્ચતુર્ભિ-,
ર્દોર્ભિશ્ચ શોણકુસુમસ્રગુમાંગજાતઃ;
સિન્દુરશોભિતલલાટ વિધુ પ્રકાશો, વિઘ્નં મમાપહર૦ ૩
કાર્યેષુ વિઘ્નચયભીતવિરંચિમુખ્યૈઃ,
સંપૂજિતઃ સુરવરૈરપિ મોદકાદ્યૈઃ;
સર્વેષુ ચ પ્રથમમેવ સુરેષુ પૂજયો, વિઘ્નં મમાપહર૦ ૪
શીઘ્રાંચનસ્ખલનચુંચુરવોર્ધ્વકણ્ઠ-,
સ્થૂલોન્દુરૂદ્રવણહાસિતદેવસંઘઃ;
શૂર્પશ્રુતિશ્ચ પૃથુવર્તુલતુંગતુન્દો, વિઘ્નં મમાપહર૦ ૫
યજ્ઞોપવીતપદલંભિતનાગરાજો,
માસાદિપુણ્યદદ્રૃશીકૃતઋક્ષરાજઃ;
ભક્તાભયપ્રદ ! દયાલય ! વિઘ્નરાજો, વિઘ્નં મમાપહર૦ ૬
સદ્રત્નસારતતિરાજિતસત્કિરીટઃ;
કૌસું ભચારૂવસનદ્વય ઉર્જિતશ્રીઃ;
સર્વત્ર મંગલકરસ્મરણપ્રતાપો, વિઘ્નં મમાપહર૦ ૭
દેવાન્તકાદ્યસુરભીતસુરાર્તિહર્તા,
વિજ્ઞાનબોધનવરેણ તમોપહર્તા;
આનંદિતત્રિભુવનેશ ! કુમારબન્ધો !, વિઘ્નં મમાપહર૦ ૮