અનંત કળા અનંત રૂપ, અનંત શકિતધર શ્યામ, ૩/૪

 ૭૬૭ પદ ૩/૪

અનંત કળા અનંત રૂપ, અનંત શકિતધર શ્યામ,

પ્રગટ થયા પ્રભુ આ સમે, પરબ્રહ્મ પૂરણકામ.              અનંત ૧

અનંત અવતાર અવિનાશના, થઇ ગયા થાશે અનંત,

આજ સમાની રીતને, જાણે વિરલા સંત.                       અનંત ૨

એક રસનાએ શું વર્ણવું, લીલા કીર્તિ કરી પ્યાર,

વ્યાસ વિરંચી શેષ શારદા, કોયે ન પામે પાર.             અનંત ૩

આજ અલૌકિક ભાતની, પ્રગટ કરી હરિ રીત,

ના દેખી ના સાંભળી, શ્રવણે પરમ પુનીત.                  અનંત ૪

ઓળખાવ્યો સઉ જનને, આજ એકાંતિક ધર્મ,

બાળ્યાં અસંખ્ય નરનારીનાં, નિજ પ્રતાપે કર્મ.             અનંત ૫

લીધા અનંત જીવ છોડવી, મત પંથમાંથી આજ,

પ્રેમાનંદ કે દેખાડીયો, પ્રબળ પ્રતાપ મહારાજ.            અનંત ૬

 

મૂળ પદ

ધર્મકુંવરઘનશ્યામજી, અક્ષરપતિ અવિનાશ,

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી