એવા શ્રી હરિ સ્વામી સહજાનંદજી , ૩/૪

  પદ ૮૪૬ મું.૩/૪

એવા શ્રીહરિ સ્વામી સહજાનંદજી ,

દિવ્ય સગુણ આકાર દિવ્ય કલાનિધિ નાથજો;

દિવ્ય શક્તિપતિ પુરુષોત્તમ પ્રગટ થયા,

દિવ્ય મુક્ત લઇને આવ્યા હરિ સાથજો.                 એવા. ૧

આવીને નિજ દિવ્ય પ્રતાપ પ્રગટ કર્યો,

થાપ્યો ધર્મ એકાંતિક અવનીમાંયજો;

આચરજકારી અનંત ચરિત્ર નવ જાય કહ્યાં,

શેષાદિક કવિ નિત્ય નવા કેટલાંક ગાયજો.             એવા. ૨

ધ્યાન ધારણા સમાધી બહુ ભાંતની,

નવ જાણે કોઇ મુક્ત મુનિવર દેવજો,

અનંત જીવના એક કાળે પ્રાણ તાણવા.*

દેખાડે નિજધામ અનંત તતખેવજો.                     એવા. ૩

અંતકાલે ધરી અનંતરૂપ શ્રીનાથજી,

તેડવા જાયે નિજ જનને મહારાજજો;

ગરૂડ વિમાન અશ્વ ગજ રથ લઇ પાલખી,

પ્રેમાનંદનો સ્વામી ગરીબનિવાજજો.                    એવા. ૪

* “તાણીને “ પાઠાન્તર છે.

મૂળ પદ

ધર્મકુંવર હરિકૃષ્ણ ચરન નખચંદ્રને

મળતા રાગ

ઢાળ : મોહનને ગમવાને ઇચ્છો

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી