ચાલો સખી ભલે આવી પૂરણ માસી રે ચાલો જોવા રણછોડ વરતાલવાસી રે ૪/૫

ચાલો સખી ભલે આવી પૂરણ માસી રે, ચાલો જોવા રણછોડ વરતાલવાસી રે;

ચાલો સખી મોરમુગટ ધર્યો વાલે રે, ચાલો સખી વહેલાં જાઇએ વરતાલે રે.  ૧

ચાલો સખી વરતાલ ગોકુળધામ રે, ત્યાં તો નિત્ય રાસ રમે ઘનશ્યામ રે.  ૨

ચાલો સખી જાઇએ હરિના ગુણ ગાતાં રે, બળે પાપ પ્રભુજીને સન્મુખ જાતાં રે.  ૩

ચાલો સખી મોરમુગટ ધરી શ્યામ રે, ઉભા સામો શામળિયો સુખધામ રે.  ૪

ચાલો સખી જોઇએ છેલ છોગાળો રે, વાલો શ્રીરણછોડ વરતાલવાળો રે.  ૫

ચાલો સખી મુગટસહિત મુખ જોઇએ રે, ચાલો સખી જનમમરણ દુઃખ ધોઇએ રે.  ૬

ચાલો ત્યાં તો આનંદ ઉત્સવ થાય રે, જોઇ વાલો આનંદ અંગ ન માય રે.  ૭

ચાલો સખી પુનમે જોઇએ પૂરણચંદ રે, વાલાપર વારી જઇએ પ્રેમાનંદ રે.  ૮ 

મૂળ પદ

જેજે શ્રીરણછોડ છેલ છબિલા રે

મળતા રાગ

ગરબી

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી