જનમ સંગાથી રે ભજ બલવીરને રે;૪/૪

પદ ૧૦૧૯ મું. – રાગ ગરબી – પદ ૪/૪

 

જનમ સંગાથી રે ભજ બલવીરને રે;અંતકાળે કઠણ જણાયે છે કામ રે.  જનમ. ટેક

એણે સમે કોઇ રે નવ ધરે ધીરને રે;મેલવું છે જરૂર ધન ને ધામ રે.  જનમ.૧

નાડીયો ત્રુટીને રે થાશે નોખિયો રે;કંઠમાં થાશે કફનું જોર રે

નવ દરવાજેથી રે ઉઠશે ચોકીયો રે;ત્યારે તું માનીશ દૈવના ચોર રે .  જનમ.૨

જમકિંકર રે આવી તને ઝાલશે રે;થાશે તારા પ્રાણતણા પરિયાણ રે .

કોટિક વિંછીની રે, વેદના ચાલશે રે;કુડીયાં કુટશે સહુ તારી કાણ રે.  જનમ.૩

આવો અવસર રે અભાગી નર પામીને રે;ચાલ્યો તું જરૂર જમને દ્વાર રે.

પ્રેમાનંદ કહે છે રે ભજ મારા સ્વામીને રે;હમણે છોડાવું તને નહીં લાગે વાર રે.  જનમ.૪ 

મૂળ પદ

સહજાનંદ સ્વામી તું ભજને પ્રાણિયા રે;

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી