કંઠી હરિની પ્રસાદી કરી આણે રે, શિષ્ય બાંધે પોતાને જાણે રે.૪/૪

 પદ ૧૦૨૭ મું. – રાગ ગરબી – પદ ૪/૪

કંઠી હરિની પ્રસાદી કરી આણે રે, શિષ્ય બાંધે પોતાને જાણે રે.  ૧

ગુરુ ઉપદેશ કરે રૂડી રીતે રે, મહામંત્રરાજનો અતિ પ્રીતે રે.  ૨

જમણે કાને કહે ત્રણ વાર રે, અષ્ટ અક્ષરતણો ઉચ્ચાર રે.  ૩

ત્રણે વર્ણને કહે જમણે કાને રે, મંત્રરાજ હળવા રહી છાને રે.  ૪

સતશૂદ્રને કહે કાને ડાબે રે, ગુરુ એનો એ મંત્ર બતાવે રે.  ૫

મંત્ર દેતાં ગુરુ બેસે છેટે રે, નવ અડે બીજા ગુરુની પેઠે રે.  ૬

વળી શિષ્યને કહે ગુરુદેવ રે, બીજો ત્રણ અક્ષરનો મંત્ર સેવ રે.  ૭ 

નાહી ધોઇ પવિત્ર શિષ્ય થઇને રે, પ્રેમાનંદ કહે જપ મંત્ર જઇને રે.  ૮ 

મૂળ પદ

દીક્ષાવિધિ પવિત્ર ગુન ગાવું રે, રૂડી રીત કહી સમજાવું રે

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી