અલબેલા આતમરામ કે પ્રીતમ પાતળિયા૩/૪

 પદ ૧૮૩૫ મું.૩/૪

અલબેલા આતમરામ કે પ્રીતમ પાતળિયા;

તમે છો મારા જીવનપ્રાણ સુંદરવર શામળિયા.          ૧

મુને લાગ્યો તમારો નેહ કે નટવર નાનડિયા;

મારા જન્મ સંગાથી નાથ જીવડલા સાથે જડિયા.        ૨

કરી રાખું હૈડાના હાર હરિ હવે નહીં મેલું ;

મેં તો તમ સંગ પ્રીતમપ્રાણ જાણીને બાંધ્યું બેલું.       ૩

તમ વિના સ્નેહી શ્યામ વહાલુ બીજું નહીં રાખું;

તમ ઉપર સુંદર નેણ પ્રાણ વારી નાખું.                     ૪

તમે રહો મારે મંદિર માવ કરો રૂડી વાતલડી ;

વહાલા પ્રેમસખીનાં નાવ ઠારો મારો છાતલડી.          ૫

 

મૂળ પદ

આવો જીવન જાદવરાય જોવું તારી મૂર્તિ;

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી