ઓરા આવો નાગર નંદના જોવું જીવન સુંદર રૂપ૪/૪

પદ ૧૯૭૬ મું.૪/૪

ઓરા આવો નાગર નંદના જોવું જીવન સુંદર રૂપ;

નીલ કલેવર નિરખી મોહ્યા; મદન કોટિક ભૂપ.  ઓરા. ટેક

સુંદર મુખની શોભા જોઇને થાયે વ્રજનારી ગુલતાન;

ચિતવે ચંદ ચકોરજ્યું વિસારી ભોજન પાન.  ઓરા. ૧

મોતિમાળા અનુપમ ઉરમાં, શોભે હેમકડાં બેઉ હાથ;

બાંયે બાજુબંધ બેરખા જોઇ રિઝ્યા મુનિવર સાથ.  ઓરા. ૨

વિઠ્ઠલ વાઓ મનોહર મોરલી વહાલા ગાઓ છો નૌતમ ગીત;

સાંભળી સુંદર સાદને મારે પૂરણ વાધી પ્રીત.  ઓરા. ૩

તમે નાંખી મોહન મોહની કીધું ઘેલું ગોકુલ ગામ;

પ્રેમાનંદના નાથજી લાગો વહાલા શ્રીઘનશ્યામ.  ઓરા. ૪

મૂળ પદ

સુંદર શ્યામ છબીલા છેલડા રંગભીના નંદકુમાર

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી