ઓરા આવો અલબેલડા રે, જોવું સુંદર રૂપ૧/૪

પદ ૨૦૭૭ મું. –રાગ ગરબી૧/૪

ઓરા આવો અલબેલડા રે, જોવું સુંદર રૂપ;

વહાલા લાગો છો રંગછેલડા રે, ભૂપના છો ભૂપ.  ૧

પૂજ્યા કોણે તમને રંગમાં રે, આજ કરી બહુ પ્યાર;

શોભે સુંદર સરવે અંગમાં રે, શોભીતા શણગાર.  ૨

શોભા નિરખી અદભૂત આજની રે, લાજે કોટિ અનંગ;

જોઇ સુંદરતા મહારાજની રે, વાધ્યો ઉરમાં ઉમંગ.  ૩

દીસે વરણાગી બહુ વાંકડી રે, અંગે અજબ મરોડ;

કોણે પહેરાવી ચાખડી રે, પુર્યાં મનના કોડ.  ૪

માથે મોલીડું કોઇ ભાતનું રે, સોનેરી સુખધામ;

કોણે લીધું સુખ એકાંતનું રે, પુરી મનની હામ.  ૫

સાચું બોલોને શ્રીનાથજી રે, ક્યાં પામ્યાં સનમાન;

પ્રેમાનંદ મળ્યો ભરી બાથજી રે, પ્રગટ શ્રીભગવાન.  ૬

મૂળ પદ

ઓરા આવો અલબેલડા રે, જોવું સુંદર રૂપ

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી