અલબેલો અમદાવાદરે, આવ્યા અવિનાશી; જેનો મહિમા અગમ અગાધરે.૧/૧૧

 પદ ૧૦૧૬ મું રાગ- ગરબી.૧/૧૧

અલબેલો અમદાવાદરે, આવ્યા અવિનાશી;

જેનો મહિમા અગમ અગાધરે. આવ્યા.                        ટેક

મહિમા જેનો કહી સંભળાવું, સાંભળજો નરનારરે;

ગોલોકપતિ કૃષ્ણચંદ્ર છે, અખિલ ભુવન આધાર.          આવ્યા. ૧

કારણ સૌના તે કે'વાયે દિવ્ય રૂપ અવતારી રે;

નેતિ નેતિ તેને કે'છે, વેદ પુરાણ વિચારી.                    આવ્યા. ૨

તે પુરુષોત્તમ પ્રગટ થયા બેઉ, નરનારાયણ દેવરે;

પિતા ધર્મ ને માતા મૂર્તિ, વિરલા જાણે ભેવ.               આવ્યા. ૩

બ્રહ્મચારીને વેશ બિરાજે, બદ્રીઆશ્રમમાંયરે;

નરનારાયણ નામ ઉપર, પ્રેમાનંદ વારી જાય.             આવ્યા. ૪

 

મૂળ પદ

અલબેલો અમદાવાદરે, આવ્યા અવિનાશી; જેનો મહિમા અગમ અગાધરે.

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી