એ લીલા પરમ પુનિતરે, નરનારાયણની સાંભળજો સહુ દઇ ચિત્તરે૭/૧૧

પદ ૧૦૨૨ મું.૭/૧૧

એ લીલા પરમ પુનિતરે, નરનારાયણની ;

સાંભળજો સહુ દઇ ચિત્તરે.  નર. ટેક

થોડામાં કહી દાખું નરની, લીલા અતિ નિષ્પાપરે;

જે રીતે નરનારાયણનો, થયો જ્યાહાં મિલાપ .  નર. ૧

રચ્યો સ્વયંવર રાજા દ્રુપદ, સહુ રાજાને તેડાવ્યારે;

જાદવ કૌરવ શિશુપાળાદિક, પૃથવિપતિ ત્યાં આવ્યા.નર. ૨

પણ લીધુ દ્રુપદ રાજાએ, મચ્છ વેધ જે કરશેરે;

દ્રુપદી નામે કન્યા મારી, તે રાજાને વરશે.  નર. ૩

બ્રહ્મઋષિને રાજઋષિ સૌ, બેઠા સભા ભરાઇરે;

પ્રેમાનંદ કહે નર અર્જુનને, ખોળે કેશવ ભાઇ.  નર. ૪

મૂળ પદ

અલબેલો અમદાવાદરે, આવ્યા અવિનાશી; જેનો મહિમા અગમ અગાધરે.

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી