ઉભા ધનુષ ગ્રહી કર ધીરરે, નર અર્જુન રૂપે જુવે મુનિ ભુપ મહાવીરરે.૧૧/૧૧

પદ ૧૦૨૬ મું.૧૧/૧૧

ઉભા ધનુષ ગ્રહી કર ધીરરે, નર અર્જુન રૂપે;

જુવે મુનિ ભુપ મહાવીરરે. નર. ટૅક.

કોઇ કહે જે આ શું કરશે, બાલક ખોશે લાજરે;

કોઇ તો કહે જુવો શું થાએ, અકળગતિ મહારાજ. નર. ૧

સહુ દેખતા સાવધાન થઇ દ્રષ્ટ સુરત એક બાંધી રે

મછ પ્રતિબિંબ જોઇ કુંડમાં, માર્યું બાણ તે સાંધી રે નર. ૨

જેજેકાર થયો ત્રિભુવનમાં ઋષિ રહ્યા હરખાઇરે;

કાળા મુખ ને માન ભંગ સૌ, રાજા રહ્યા લજાઇ. નર. ૩

બ્રહ્મ તેજ વખાણે મુનિવર, હરખ્યા નર ને નારીરે;

પ્રેમાનંદ કહે વરમાળા, પે'રાવે દ્રુપદી પ્યારી.* નર. ૪

· “દ્રુપદ કુમારી” પાઠાન્તર છે.

 

મૂળ પદ

અલબેલો અમદાવાદરે, આવ્યા અવિનાશી; જેનો મહિમા અગમ અગાધરે.

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી