અનેક જનમનાં મારા પૂન્ય ઉગીયાં૩/૪

 પદ ૧૧૦૯ મું.૩/૪

અનેક જનમનાં મારા પૂન્ય ઉગીયાં,

ચિતવન તમારું મારે ધ્યાનરે નારાયણ સ્વામી,

પ્રગટ બિરાજો મારી આંખડીને આગળે; પ્રગટ              ટેક.

સુરનરમુનિને તમે નહિ મળો સ્વપને;

અક્ષરપતિ ભગવાન રે નારાયણ સ્વામી. પ્રગટ          ૧

હૃદયકમળમાંહી શ્રીવચ્છ ચિહ્ન છે;

છાપ ચિહ્ન છે જોયા લાગરે નારાયણ સ્વામી; પ્રગટ

વામ બાહુને પાસે તીલ રૂડા ચાર છે,

જોવા ઉપજે છે અનુરાગરે નારાયણ સ્વામી. પ્રગટ     ૨

કરિ કર સરખી ભુજા અભય ઉદારરે,

ચિહ્નતણો ભંડાર રે નારાયણ સ્વામી. પ્રગટ.

કંબુ સરીખો કંઠ ચિબુક વદનપર,

પ્રેમાનંદ જાયે બલિહારરે નારાયણ સ્વામી. પ્રગટ       ૩

મૂળ પદ

મનમાં વસી છે તારી મૂર્તિ મોહનજી,

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી