આવોને નવરંગી નાથ નેણમાં રાખું, કોટીને કંદર્પ વદનપર વારીને નાંખું. ૨/૪

 પદ ૧૨૦૫ મું.૨/૪

આવોને નવરંગી નાથ નેણમાં રાખું,

કોટીને કંદર્પ વદનપર વારીને નાંખું.  આવોને. ટેક

રાખીશ જીવન જતન કરીને જીવતણી પેરે,

લેરખડા વધાવું મોંઘા મોતીની લેરે.  આવોને. ૧

આંખડલીનાં અગ્રથકી હરિ નહીરે દીયું જાવા;

રાખું નેણામાં નાથજી તમને આવાને આવા.  આવોને. ૨

નંદનાં કુંવર એક નિમખ ન મેલું મુખડું તમારું

વારે વારે વાલમ તમપર પ્રાણ લેઇ વારું;  આવોને ૩

જોઇ રહું મારાં જીવન તમને ચંદજ્યું ચકોરી;

પ્રેમાનંદના નાથજી મારી છો જીવનદોરી.  આવોને. ૪

મૂળ પદ

નાથજી નિરખીને મારાં લોચન લોભાણાં, મોહનજીની મૂર્તિમાં મારા મનડાં પ્રોવાણાં

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી