મુખડાની માયા લાગી રે, મોહન તારા, મુખડાની મીઠી વાણી ૧/૪

મુખડાની માયા લાગી રે, મોહન તારા...ટેક.
મુખડાની મીઠી વાણી, તેણે મન લીધું તાણી;
	ઝબકીને સૂતી જાગી રે...મોહન૦ ૧
મુખડું મેં જોયું તારું, બીજું સર્વે થયું ખારું;
	હવે હું તો બડભાગી રે...મોહન૦ ૨
મુખડું જોવાને માટે, સહી કીધું શિર સાટે;
	મહેણું મેં તો લીધું માગી રે...મોહન૦ ૩
બ્રહ્માનંદ જાયે વારી, આશા એક મુને તારી;
	તરછોડી મ થાશો ત્યાગી રે...મોહન૦ ૪

 

મૂળ પદ

મુખડાની માયા લાગી રે, મોહન તારા

મળતા રાગ

મેવાડી

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
નમુનો આખું ડાઉનલોડ	હસમુખભાઈ પાટડિયા				હસમુખભાઈ પાટડિયા (સ્વરકાર)		Studio	Audio	6 0