ઓરા આવો નટવર નાનડીઆ તમે મારા જીવ સાથે જડીઆ ૧/૮

 

ઓરા આવો નટવર નાનડીઆ;

તમે મારા જીવ સાથે જડીઆ... ઓરા૦ ટેક૦

શોભો છો સોનેરી પટકે, છબી રંગ ચોળતણે ચટકે;

લીધું મન હાથ તણે લટકે... ઓરા૦ ૧

કરી મેં તમ અર્થે કાયા, લાગી છે મુખડાની માયા;

જીવો ઘણું જશોદાના જાયા... ઓરા૦ ૨

સુંદરવર લાગો છો સારા, ન મેલું એકે ઘડી ન્યારા;

છોજી મારે પ્રાણ થકી પ્યારા... ઓરા૦ ૩

વાતું થકી દુઃખડાં વીસરીયે, જોઇ જોઇ અંતરમાં ઠરીયે;

કાના આવો ગોઠડલી કરીયે... ઓરા૦ ૪

કટીપર પીતાંબર કસીયા, હેતે નિત્ય બોલો છો હસીયા;

બ્રહ્માનંદના વ્હાલા રસિયા... ઓરા૦ ૫

મૂળ પદ

ઓરા આવો નટવર નાનડીઆ

મળતા રાગ

રે સગપણ હરિવરનું સાચું

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી