૨૧ ૧/૧ અક્ષરધામ ગમન પ્રશ્નોત્તરી કીર્તન
(સીમડીએ કેમ જાશો વરરાજા- એ લગ્નગીતનો રાગ)
પ્રશ્ન—(૧)
અક્ષરધામેં કેમ જાશો જીજ્ઞાસુ ?
માયા અક્ષરમા જાતાં રોકશેરે,
ત્રિગુણી માયા તમનેં લૂંટશેરે,
ઉત્તર--
ત્રણ દેહથી જુદો આતમા જાણી,
બ્રહ્મ રૂપ થાતાં માયા ભાગશેરે ||
સ્વામિનારાયણ સ્વામિનારાયણ
સ્મરણ કરશે તે અક્ષર પામશેરે || ૧ ||
પ્રશ્ન—(૨)
અક્ષર ધામેં કેમ જાશો જીજ્ઞાસુ,
અક્ષરની વાટે સિદ્ધિયું આવશેરે ||
અક્ષર જાતાં તો સિદ્ધિયું રોકશેરે ||
ઉત્તર--
સિદ્ધિયું છે તો દેવને દૂર્લભ,
અમને તે મોતીડે વધાવશેરે ||
કારણ ?
શ્રીજીની મૂર્તિ સનમુખેં રાખશું,
શ્રીજી અમોને ત્યાં ઉગારશેરે ||
સ્વામિનારાયણ...................(૨)
પ્રશ્ન—(૩)
અક્ષર ધામ આઘું છે અબજો જોજન
પાંખો વિનાના કેમ પહોંચશોરે ||
ઉત્તર--
પાંખો શ્રીજીની ‘૧આજ્ઞા ૨ઉપાસના’
એથકી અણું દૂર લાગશેરે ||
સ્વામિનારાયણ...................(૩)
પ્રશ્ન—(૪)
અક્ષરધામેં કેમ જાશો જીજ્ઞાસુ
અક્ષર જાતાં સગાંઓ રોકશેરે ||
ઉત્તર--
સગાં સબંધીને સત્સંગ ઓળખાવશું
મહીમા સમજાતાં સુખ માણશેરે
સ્વામિનારાયણ...................(૪)
કવિ વચન
મહાપુરૂષદાસજી ગુરૂના પ્રતાપેં
માવ અક્ષર સુખ માણશેરે ||
સ્વામિનારાયણ...................(૫)