સખી વાત વિતી કહું મારી, મળ્યા વાટમાં કુંજવિહારી ૨/૨

સખી વાત વિતી કહું મારી, મળ્યા વાટમાં કુંજવિહારી...ટેક.
દશ વીશ સખા લઈ સંગે, પીળી પામરી ઓઢી અંગે રે;
		રોક્યો મારગ આવી મોરારી...મળ્યા૦ ૧
મારે માથે હતી મહિ ગોળી, નાંખી નાનકડે તે ઢોળી રે;
		મને મુખથી બોલ્યા ધૂતારી...મળ્યા૦ ૨
મારો હાથ ઝાલ્યો જદુનાથે, કર્યો ઝગડો મુજ સંગાથે રે;
		લીધો કંઠથી હાર ઉતારી...મળ્યા૦ ૩
હતી છબી એની મરમાળી, જાણે મન પકડયાની જાળી રે;
		લીધી મૂરતિ મનમાં ઉતારી...મળ્યા૦ ૪
છે એ જાદુગરો જગદીશ, કર્યું જાદુ એણે કરી રીસ રે;
		મારી શૂધ બૂધ સઘળી વિસારી...મળ્યા૦ ૫
હવે રોગ થયો ઉર એવો, દાડી દાડી જદુપતિ જોવો રે;
		વધે છે ઉર પ્રેમ ખુમારી...મળ્યા૦ ૬
કાં તો બુટ્ટી કશીક સુંઘાડી, મને પ્રેમના પાસમાં પાડી રે;
		બહુનામી ઉપર બલિહારી...મળ્યા૦ ૭
રઘુવીરસુત સુતના સ્વામી, વસ્યા ઉરમાં અંતરજામી રે;
		અમે જીવીએ એને સંભારી...મળ્યા૦ ૮

 

મૂળ પદ

નમું પ્રેમવતીના પ્યારા, જય જીવન જગદાધારા

મળતા રાગ

ઢાળ : નમું પ્રેમવતીના પ્યારા

રચયિતા

વિહારીલાલજી મહારાજ

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
નમુનો આખું ડાઉનલોડ	પૂર્ણસ્વરૂપ સ્વામી - સરધાર	બનઝારો	શ્રી સ્વામિનારાયણ મંદિર - સરધાર જી. રાજકોટ, ગુજરાત INDIA- +91(2781)81211, +91 7600058503		પરંપરાગત (સ્વરકાર)	અજાણ	Studio	Audio	0 0