દુ:ખી દિવસ ને રાત, શ્રીજી વિના, દુ:ખી દિવસ ને રાત ૧/૧

દુ:ખી દિવસ ને રાત, શ્રીજી વિના, દુ:ખી દિવસ ને રાત;
				સાંભળ સખી મુજ વાત...શ્રીજી૦ ટેક.
ઘડીઓ જુગ જેવી થઈ રે, દિવસ કલ્પ સમાન;
	માસ પક્ષ જાતા નથી રે, મને ભાવે ન ભોજન પાન...શ્રીજી૦ ૧
ચિત્ત મારું અતિ ચરચરે રે, આંખે આંસુડાની ધાર;
	પંથ નિહાળું પ્રેમથી રે, ક્યારે આવશે ધર્મકુમાર...શ્રીજી૦ ૨
અવગુણ અબળા રાંકના રે, શો સમજ્યા હશે શ્યામ;
	કાં તો કર્યા વશ કોઈએ રે, કાં તો ભૂલી ગયા મુજ નામ...શ્રીજી૦ ૩
બાળપણામાંથી તજ્યાં રે, નિર્દય થઈને નાથ;
	મહાવગડામાં મેલિયાં રે, કોઈ નહિ સંગાથ...શ્રીજી૦ ૪
કોમળ કમળ નાથ છો રે, કઠણ કેમ થયા આજ;
	શ્રીજી વિના સાહેલડી રે, આપે કોણ મુને સુખસાજ...શ્રીજી૦ ૫
એક ભરોંસો એહનો રે, ચાત્રક સરખી ટેક;
	રાત દિવસ સંભારીએ રે, એના અખંડ ગુણ અનેક...શ્રીજી૦ ૬
મંગળ મૂરતિ વિશ્વમાં રે, વિશ્વવિહારીલાલ;
	પ્રેમે સહિત નિત્ય પાળશે રે, સમે તે લેશે સંભાળ...શ્રીજી૦ ૭

 

મૂળ પદ

દુ:ખી દિવસ ને રાત, શ્રીજી વિના, દુ:ખી દિવસ ને રાત;

મળતા રાગ

વેરાડી

રચયિતા

વિહારીલાલજી મહારાજ

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
આખું ડાઉનલોડ	જ્ઞાનજીવનદાસજી સ્વામી-કુંડળ (ગાયક)	ધાની	શ્રી સ્વામિનારાયણ મંદિર. કુંડળ.તા. બરવાળા જી .અમદાવાદ.ફોન.૦૨૭૧૧ ૨૯૧૨૯૧ ગુજરાત. INDIA શ્રી સ્વામિનારાયણ મંદિર.કારેલીબાગ વડોદરા ગુજરાત. INDIA ફોન.૦૨૬૫ ૨૪૬૨૬૨૮	રેકોર્ડીંગ ગુણવત્તા-ખૂબ સારી	જ્ઞાનજીવનદાસજી સ્વામી-કુંડળ	એકલડા કેમ રહેવાય	Studio	Audio	0 0