જયદેવ જયદેવ, જય કપિ સુખકારી ૧/૧

પદ -૧૩૧ …………………૧/૧

શ્રી વરતાલવાસી

(શ્રી ભીડભંજન હનુમાનજીની આરતી)

 

જયદેવ જયદેવ, જય કપિ સુખકારી (૨)ભયહારી હિતકારી, દ્રઢ ધીરજ ધારી.  જયદેવ. (ટેક)

જય વરતાલવિલાસી, શુભમતિ સુખરાશી; (૨)પ્રગટ રૂપ ઉપાસી, સિદ્ધિ સકળ દાસી.  જયદેવ. (૧)

બુદ્ધિ પ્રબળ બહુ નિરમળ, બળવંત છો બંકા;(૨)હાક સુણી હનુમંતા, શત્રુ ધરે શંકા.  જયદેવ. (૨)

રામ તણા થઇ દૂત સીતા સુધ લીધી; (૨)લંકા બાળી દીધી, કપિ રક્ષા કીધી.  જયદેવ. (૩)

સુણી નામ તમારું, શત્રુ સુખ ત્યાગે; (૨)ભૂત પ્રેત બ્રહ્મરાક્ષસ, ભડકીને ભાગે.  જયદેવ. (૪)

ધર્મદેવને ઘેર, ભીડ સમય ભાળી (૨)કૃત્યાઓ કાળીને, પગથી પડતાળી.  જયદેવ. (૫)

ભગવત સુતના શામ, કપિ મળશો ક્યારે;(૨)ભીડભંજન ભવતારણ, ભીડ હરો ભારે.  જયદેવ. (૬)

 

ભીડભંજન= હનુમાનજી પ્રસાદીના છે. 

મૂળ પદ

જયદેવ જયદેવ, જય કપિ સુખકારી

રચયિતા

વિહારીલાલજી મહારાજ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી