અંતકાળ વેળા કઠણ , કષ્ટ કોટીધા થાય; ૧/૧

 પદ- ૨૧૬ …………………….૧/૧.

સર્વોપરી શ્રીહરિની સ્મ્રુતિ વિષે.

(દોહરો)

અંતકાળ વેળા કઠણ , કષ્ટ કોટીધા થાય;

જો સુખમય હરિ સાંભરે, જરૂર દુઃખ દૂર જાય.                          (૧)

(હરિગીત છંદ)

આ સમય ઉત્તમ જાણીને, કર સ્મરણ શ્રીઘનશામને,

કીજે સુકર્મ સદા વિશેષે, હમેશ ધરી શુભ હામને;

રચનાર આ સંસાર તેને, શીશ નમાવો હરઘડી,

તક જાય તું પસ્તાય માટે, વાત લે જીવમાં જડી.                     (૨)

નરદેહ પામી ટાળ ખામી, નંદનંદન સ્મરણમાં,

કૌતુક મેલી સમજ દિલ છે, અદલ સુખ પ્રભુ ચર્ણમાં;

સ્તુતિપાઠ પૂજન જાપ જીભથી , જગતપતિનો જો કરે,

ભવમાં જશે ભય, બનીશ નિર્ભય, તુરત ભવસાગર તરે.           (૩)

મારી શિખામણ કરીશ ધારન, કઠણ તજી કુટિલાઇને,

લીધાં સરવ સુખતો ખરે તેં, ચતુર ધરી ચતુરાઇને;

કાયા પડે આવી નડે જો, મલીનતા મનમાં રહે,

તેથી હરિ સ્મૃતિ શીખ કહી છે, સર્વ દુક્રિતને દહે.                      (૪)

 

મૂળ પદ

અંતકાળ વેળા કઠણ , કષ્ટ કોટીધા થાય;

રચયિતા

વિહારીલાલજી મહારાજ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી