આજ આનંદ મારા ઉરમાં, મળી મને મહામોંઘી વાતરે૧/૧

પદરાગ ધોળ –

આજ આનંદ મારા ઉરમાં, મળી મને મહામોંઘી વાતરે ।

કોટી કષ્ટ કરે હરિ નવ મળે, તે તો મને મળીયા સાક્ષાત રે;                   આજ૦ ।।૧।।

રમાડયા જમાડયા રૂડી રીતશું, મળ્યા વળી વારમવારરે ।

હેતે પ્રીતે નિત્યે સુખ આપિયાં, તે તો કે'તાં આવે કેમ પાર રે;                  આજ૦।।૨।।

અન્ન જળ ફળ ફૂલ પાનની, આપી એવી પ્રસાદી અનૂપ રે ।

ચરણની છાપ દીધી છાતિયે, આપ્યાં સારાં વસ્ત્ર સુખરૂપ રે;                   આજ૦ ।।૩।।

આગળ ભગત અનેક થયા, સહ્યાં તેણે શરીરે બહુ દુઃખ રે ।

તોય પ્રભુ પ્રગટ પામ્યા નહિ, પામ્યા પણ ના'વ્યાં આવાં સુખરે;              આજ૦ ।।૪।।

કોઇકને આપી અમરાવતી, કોઇકને પુર કૈલાસ રે ।

કોઇકને સત્યલોક સોંપિયું, કોઇકને વૈકુંઠે વાસ રે;                                  આજ૦ ।।૫।।

જુજવાં એ ધામ આપ્યાં જનને, જોઇ નિષ્કામ સકામ રે ।

આજ તો અઢળક ઢળ્યા હરિ, આપ્યું સહુને અક્ષરધામ રે;                     આજ૦ ।।૬।।

સુખ સુખ સુખ જ્યાં સુખ ઘણું, તે તો મુખે કે'તાં ન કહેવાય રે ।

નિષ્કુલાનંદ એ આનંદમાં, હરખી હરખી ગુણગાય રે;                            આજ૦ ।।૭।।

 

 

 

 

મૂળ પદ

આજ આનંદ મારા ઉરમાં, મળી મને મહામોંઘી વાતરે

રચયિતા

નિષ્કુળાનંદ સ્વામી

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
નમુનો આખું ડાઉનલોડ	ભજનપ્રકાશ સ્વામી		શ્રી સ્વામિનારાયણ સંસ્કાર ધામ ગુરુકુલ,હળવદ રોડ,જી.સુરેન્દ્રનગર, મુ.ધ્રાંગધ્રા.ફોન.+૯૧ ૨૭૫૪ ૨૯૩૫૩૫			કિર્તન ભક્તિ ભાગ-૧	Live	Audio	1 0