આરોગોને લાલજી લટકાળા રે મીઠા બોલા અતિ મરમાળા ૨/૪

 

આરોગોને લાલજી લટકાળા રે,

મીઠા બોલા અતિ મરમાળા.

તળિયાં નૌતમ ધૃતમાં નિપજીયાં રે,

રૂડાં અડદ વડાં મન રંજીઆં રે ;

તમને ભાવે છે સુંદર ભજિયાં.  આ૦૧

તાન માન સર્વ એક ત્રાજુ રે,

સ્વાદુ ફરફરતે એક બાજુ રે ;

કળી તીખી ને ગાંઠિયા કાજુ. આ૦ર

ફરસાણ ફૂલવડી મંગાવું રે,

તાજા ચોળા ચણા તે તળાવું રે ;

વહાલા જમતાં તે ત્યાગી ન થાવું. આ૦૩

ટાંકો સુવા ને તાંદળજાની ભાજી રે,

તળી અળવી મેથી વળી તાજી રે ;

રસિયાજી જમો થઇ રાજી. આ૦૪

લુણી લાલરો વીણીને લાવી રે,

તાજી પાનલી ચીલ તળાવી રે ;

કણજ પણજ તે ત્યાર કરાવી. આ૦પ

મૂળા મોગરી તળિયલ કોળું રે,

નાખ્યું પરવળમાં ધૃત બોહોળું રે ;

વૈંતાક નવીન વાલોળું. આ૦૬

તાજી સૂરણની તરકારી રે,

વડી કડી તે લવિંગે વધારી રે ;

ચોળા ગ્વારફળી છમકારી. આ૦૭

વા ઢોળું હું વીંઝણો લઇને રે,

માગી લેજો જોઇએ તે કહીને રે ;

બ્રહ્માનંદ કહે જમો ધીરા રહીને. આ૦૮

મૂળ પદ

જમો મારા નાથ જુગતિ કરીને રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
નમુનો આખું ડાઉનલોડ			શ્રી સ્વામિનારાયણ મંદિર,ભુજ-કચ્છ.સ્વામિનારાયણ રોડ,પોલીસ ચોકી સામે, gujarat,india.ફોન. ૦૨૮૩૨ ૨૫૦૨૩૧/૨૫૦૩૩૧.			જમે મદન ગોપાલ	Studio	Audio	1 0