સાચેસાચું કહેશું, હરિ રાખે તેમ રહેશું રે ૧/૧

 પદરાગ ધોળ- (ચુંટેલ કડીઓ)

સાચેસાચું કહેશું, હરિ રાખે તેમ રહેશું રે. ટેક-

જાણો જેની તેની વાતે, નથી કલ્યાણ કોઇ ભાતે રે; 

સાચા મળ્યા વિના સાચું, થાવા કલ્યાણનું કાચું રે;    સા૦।।૧।।

ભવજળ તરવા કાજ, સાચા સંતનો સમાજ રે; 

ખોટા સંગે ખોટ્ય આવે, બાંધ્યા પા’ણા તે બુડાવે રે;  સા૦।।૨।।

સાચા હરિ ગુરુ કહિયે, જેથી પરમપદ લહિયે રે; 

કૈવલ્ય પ્રાપ્તિના દાતા, નથી બીજાને કહેવાતા રે;    સા૦।।૩।।

છતી દેહે પામે ધામ, વળી થાય પૂરણકામરે;  

એવી રીત હોય જિયાં, જાણો પ્રભુ પોતે તિયાં રે;       સા૦।।૪।।

કથા આ છે કલ્યાણકારી, સહુ લેજ્યો હૈયે ધારી રે;

એમ સમઝયે ટળશે ફંદ, નિશ્ચે કે' નિષ્કુળાનંદ રે;      સા૦।।૫।।

મૂળ પદ

સાચેસાચું કહેશું, હરિ રાખે તેમ રહેશું રે

રચયિતા

નિષ્કુળાનંદ સ્વામી

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
નમુનો આખું ડાઉનલોડ	ચંદુભાઈ રાઠોડ (ગાયક)		શ્રી સહજાનંદ સંસ્કારધામ મહામંત્રપીઠ ફરેણી જી.રાજકોટ gujarat india phone:-+91-2824-283383/283108/9662517626		ચંદુભાઈ રાઠોડ (સ્વરકાર)		Studio	Audio	0 0