ત્વમેવ માતા ચ પિતા ત્વમેવ, ત્વમેવ બન્ધુશ્ચ સખા ત્વમેવ ।
ત્વમેવ વિદ્યા દ્રવિણં ત્વમેવ, ત્વમેવ સર્વં મમ દેવ દેવ ! ।।
.• નિજાશ્રિતાનાં સકલાર્તિહન્તા, સધર્મભક્તેરવનં વિધાતા ।
દાતા સુખાનાં મનસેપ્સિતાનાં, તનોતુ કૃષ્ણોઽખિલમંગલં નઃ
• કાયેન વાચા મનસેન્દ્રિયૈર્વા, બુધ્યાત્મનાવા પ્રકૃતેઃ સ્વભાવાત્ ।
કરોમિ યદ્યત્સકલં પરસ્મૈ નારાયણાયેતિ સમર્પયામિ ।।
• વર્ણિવેષ રમણીય દર્શનં, મન્દહાસ રુચિરાનનામ્બુજમ્ ।।
પૂજિતં સુરનરોત્તમૈર્મુદા, ધર્મનંદનમહં વિચિન્તયે ।।
• સતતં નિજ મૂર્તિ ચિન્તકાનામ્ અધિકશ્વેત મનોહર પ્રકાશે ।
હૃદિદર્શિત રમ્ય દિવ્યરૂપં ભગવન્તં તમહં હરિં નમામિ ।।
• શ્રીમચ્છારદપૂર્ણચંદ્ર વિલસત્સ્મેરાનનં શ્રીહરિમ્ ।
તુંગે પીઠવરે સ્થિતં પરિવૃત્તં સદ્ભક્તવૃન્દૈર્યથા ।।
તારાભિર્વિધુમર્ચ્યમાનમુરૂધા તૈશ્ચન્દનૈઃ કૌસુમૈ ।
ર્હારૈઃ શેખરપંક્તિભિશ્ચ હૃદયે શુક્લાંમ્બરં ચિન્તયે ।।
• વાણી મંગલ રૂપિણી ચ હસિતં, યસ્યાસ્તિ વૈ મંગલં ।
નેત્રે મંગલદે ચ દોર્વિલસિતં નૃણાં પરં-મંગલમ્ ।।
વક્ત્રં મંગલ કૃચ્ચપાદ ચલિતં યસ્યાખિલં મંગલં ।
સોઽયં મંગલ મૂર્તિરાશુ જગતો નિત્યં ક્રિયાન્મંગલમ્ ।।
• સુનિશારં સારં શુચિકનકબુટં પરિદધન્
નિચોલં કૌસુભં કટિતટપટં ચારુણરુચિમ્ ।
બહૂન્ હારાન્ હૈમાન્ વરવલયકેયૂરમુકુટાન્
હસદ્ વક્ત્રેન્દુર્મે દૃશિ જયતુ નારાયણમુનિઃ ।।
શ્રૂયતાં દેવ દેવેશ ! સ્વામિનારાયણ પ્રભો ! ।
ત્વદીયેનાવધાનેન કથયિષ્યે શુભાઃ કથાઃ ।।
* શ્રીપતિં શ્રીધરં સર્વદેવેશ્વરં ભક્તિધર્માત્મજં વાસુદેવં હરિં ।
માધવં કેશવં કામદં કારણં શ્રી સ્વામિનારાયણં નીલકંઠં ભજે ।।