અથવા કથા કીર્તન કરાવે જ્યારે ૧૩/૨૦

૨૩                               પદ-૧૩/૨૦

 અથવા કથા કીર્તન કરાવે જ્યારે

              અથવા કોઇ વિચારમાં બેઠા હોય ત્યારે       ૧

તે વચ્ચે કોઇ વારતા આવીને પૂછે,

              તેને ખીજીને કહે આમાં કામ તે શું છે ?       ૨

જમ્યાનું આવે પૂછવા કોઇ પૂજા લાવે,

              કોઇ હાર ફૂલના પેરાવા આવે…                   ૩

તે ન ગમે વાર્તા મહીં એવો છે સ્વભાવ,

              વાતું કરે નિજજનને કરી બહુ ભાવ…            ૪

વૈરાગ્ય ભક્તિ ધર્મની વાર્તા નિત કરે,

              એ વિના બીજી વાર્તા દૂર પરહરે…               ૫

પંચરાત્ર યોગ સાંખ્ય જે વેદાંતના ગ્રંથ,

              એ સંબંધી વાર્તા કરે હરિ સમ્રથ…                ૬

જ્યારે વાર્તા કરે ઊંચા ભુજ કરી,

              રાખે બોલતા જનને તાળી દઇ હરિ…           ૭

બહુ ભીડ જનની જ્યારે થાય ભારી,

              ત્યારે ઉભા થઇને કરે વાતું પોકારી…            ૮

એકાગ્ર કરે વારતા બીજી સુરત ત્યાગી,

              વસ્ત્ર ખસે ઓઢ્યાતણું તે ન લે બડભાગી…   ૯

એવો સ્વભાવ સ્વામી કેરો પરમ દયાળુ,

              સિદ્ધાનંદ દુઃખ ટાળવા પ્રગટ્યા કૃપાળુ…      ૧૦

 

મૂળ પદ

પ્રથમ હરિને ચરણે વંદું શિર નામી;

રચયિતા

સિદ્ધાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી