વહાલા મારા જમીએ વનમાળી રે હૈડું હરખે છે ભૂધર ભાળી ૪/૪

વહાલા મારા જમીએ વનમાળી રે, હૈડું હરખે છે ભૂધર ભાળી. વ૦

આંબાસાળ ને સૂત્ર ત્રિપાંખી રે, કીધો ભાત કેસર માંહી નાંખી રે ;

જમતાં નિરખી ઠરે મારી આંખી. વ૦૧

આંબા રસ ને કેળાં ધર્યાં આગી રે, માખણ સાકર લેજો માગી રે ;

દયા કરીને મ થાજો ત્યાગી. વ૦ર

છૂટી ખીચડી રાંધી છે ખાંતે રે, તાજું ધૃત પીરસ્યું રૂડી ભાતે રે ;

મારા નાથજી જમજો નિરાંતે, વ૦૩

સારો કરમલડો સખરાણું રે, દહીં લેજો ઝાઝું છે દુઝાણું રે ;

કાના જમતાં ન કરીએ ધેંગાણું. વ૦૪

મીઠા દૂધનો કીધો છે માવો રે, હાથે સાકર નાખી હલાવો રે ;

ચોખા લઇને પ્રીતમજી શિરાવો. વ૦પ

સુગંધી કાલિન્દ્રનાં વારી રે, ભરી કંચન કેરી ઝારી રે ;

ચલું કીજીએ દેવ મોરારી. વ૦૬

તાજાં પાન કાથો ચૂનો લાવું રે, તજ લવિંગ સોપારી ચુરાવું રે ;

બીડી લઇમુખવાસ કરાવું. વ૦૭

ચર્ચું કેસર ચંદન સારું રે, શણગારીને આરતી ઉતારું રે ;

બ્રહ્માનંદ કહે ઘડી ન વિસારું. વ૦૮

મૂળ પદ

જમો મારા નાથ જુગતિ કરીને રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
નમુનો આખું ડાઉનલોડ	ચંદુભાઈ રાઠોડ (ગાયક)		શ્રી સહજાનંદ સંસ્કારધામ મહામંત્રપીઠ ફરેણી જી.રાજકોટ gujarat india phone:-+91-2824-283383/283108/9662517626		પરંપરાગત (સ્વરકાર)	કીર્તનમાળા-૩	Studio	Audio	1 0