એમ વરત્યાં તે મંગળ ચાર, હરિ પરણ્યા તુલસી કરી પ્યાર; ૧/૩

 ૭૮                                        પદ-૧/૩/૬૬ રાગ ધોળ

(ઢાળ- મારી સાર લેજો અવિનાશી રે.)

એમ વરત્યાં તે મંગળ ચાર, હરિ પરણ્યા તુલસી કરી પ્યાર;

વરકન્યા જમે કંસાર, ધન્ય નિરખ્યા તેના અવતાર. ૧

કન્યા કોળિયો કરમાં લઇને, આપે હરિ મુખમાં ધિરી રહીને;

આપે કન્યાના મુખમાં હરિ, નિરખે સુર નર મુનિ નેણાં ભરી.        ૨

લાડીએ તે કૌતક કીધું, હરિને હાંસી કરીને સુખ લીધું;

વાળી કોળિયો મુખમાં દીધો, મુખમાં દેતાં પાછો તાણી લીધો.      ૩

જન હસ્યા તે હરિ શરમાણા, શોભા જોઇને નેણાં લોભાણાં;

વળતો વાળ્યો હરિએ દાવ, જોવા જનને ઘણો ભાવ.                 ૪

કરમાં કોળિયો લઇ હરિ રાય, મોંમાં દેતાં દીધો આંખ માંય;

હસ્યાં વર પક્ષનાં નર નારી, લજ્યા પામ્યાં ભીમક સુકુમારી.      ૫

સાસુ આવ્યાં ધોવરાવવાને હાથ, ચળુ કરે ત્રિભોવન નાથ;

સાસુ હાથ ધોવરાવીને ચાલ્યાં, હરિએ હસીને ચીર તાણી ઝાલ્યાં.૬

 આપ્યો સાસુએ મોતીનો હાર, જાયે પ્રેમાનંદ બલિહાર.             ૭

 

મૂળ પદ

એમ વરત્યાં તે મંગળ ચાર, હરિ પરણ્યા તુલસી કરી પ્યાર;

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી