એવા મળ્યા છે મહારાજ, જે કોય સર્વેના શ્યામ છેરે, ૪/૮

પદ-૪

એવા મળ્યા છે મહારાજ, જે કોય સર્વેના શ્યામ છેરે,

વળી રાજ એ અધિરાજ, એને આધારે સહુ ધામ છેરે. ૧

ધામધામના જે રહેનાર, હજુર રહે છે જોડી હાથનેરે,

કરી આરત્યશું ઉચ્ચાર, શિશ નમાવે છે નાથનેરે.     ૨ 

શિવ બ્રહ્મા ને સુરેશ, દેવ અદેવ રહે છે ડરતારે,

જેની આજ્ઞામાં અહોનિશ, શશિ સૂરજ રે’છે ફરતારે.   ૩ 

કંપે કાળ માયા મનમાંય, અતિ ઘણું અંતરમાંરે,

કહે નિષ્કુલાનંદ કાંય, તું પણ ડરને તેના ડરમાંરે.    ૪ 

મૂળ પદ

માનો મળી છે મોટી વાત, હાથ આવી તે માં હારજ્યો રે

રચયિતા

નિષ્કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી