બલિહારી ઘનશ્યામ સુંદરની અક્ષરધામના સ્વામી રે ૧/૪

બલિહારી ઘનશ્યામ સુંદરની, અક્ષરધામના સ્વામી રે ;

ધર્મતણે ઘેર પ્રગટ થયા હરિ, જગપતિ અંતરજામી રે. ૧

કરુણા રસ અતિ પ્રગટ કરીને, પાર કર્યાં નરનારી રે ;

ભાગ્ય બડાં તેને મન ભાવ્યા, અકળ કળા અવતારી રે. ર

ધર્મનો મહિમા છે ભારી ; જગમાં રહ્યો અતિ છાઇ રે ;

હરિના સંબંધી તે હરિને જપે રે, પૂજવા યોગ્ય સદાઇ રે. ૩

દેહધારી સરખાં દીઠામાં, એની વાતુ અતિ આઘિ રે ;

કોમળ સુંદર જેના રે કુળમાં જન્મ્યા તે શ્યામ સુહાગીરે ; ૪

પૂરવ ભવનાં પુણ્ય વિના કાંઇ, એવો તે લાભ ન આવે રે;

બ્રહ્માનંદના નાથની ભાભિયું, ભૈયાજી કહીને બોલાવે રે. પ

મૂળ પદ

બલિહારી ઘનશ્યામ સુંદરની

મળતા રાગ

પાછી આપો તમારો પાડ રે મારી ધોરાજીની ધાબળી

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
નમુનો આખું ડાઉનલોડ	હસમુખભાઈ પાટડિયા		શ્રી સ્વામિનારાયણ મંદિર - સરધાર જી. રાજકોટ, ગુજરાત INDIA- +91(2781)81211, +91 7600058503		હસમુખભાઈ પાટડિયા (સ્વરકાર)		Studio	Audio	0 0