ધન્ય ભાગ્ય જે ધર્મવંશમાં અવતરિયાં નરનારી રે ૩/૪

ધન્ય ભાગ્ય જે ધર્મવંશમાં, અવતરિયાં નરનારી રે ;

સરજણહાંરે સગાં જેને માન્યાં, મહિમા તે વાધ્યો ભારી રે. ૧

દર્શન એનાં અતિશય દુર્લભ, પરસે તે પાતક જાવે રે ;

પૂરણ પુણ્ય હોય જે પ્રાણી, તે ઘરમાં પધરાવે રે. ર

મહામંત્ર દઇ મરમ બતાવે, મેહેર કરે જેને માથે રે ;

દેહ છતે તે મુક્ત કેહેવાયે, સંબંધ થાય હરિ સાથે રે. ૩

એનું શરણ લિયે જે પ્રાણી, ભવ દુઃખથી તે છૂટે રે ;

અક્ષરધામનો થાય નિવાસી, અવિનાશી સુખ લૂંટે રે. ૪

રામપ્રતાપ ને ઇચ્છારામ બેઉ, સતસંગમાં સુખદાઇ રે ;

બ્રહ્માનંદ કહે શી રહી બાકી, ભૂધરજીના ભાઇ રે. પ

મૂળ પદ

બલિહારી ઘનશ્યામ સુંદરની

મળતા રાગ

પાછી આપો તમારો પાડ રે મારી ધોરાજીની ધાબળી

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
નમુનો આખું ડાઉનલોડ	ચંદુભાઈ રાઠોડ (ગાયક)		શ્રી સહજાનંદ સંસ્કારધામ મહામંત્રપીઠ ફરેણી જી.રાજકોટ gujarat india phone:-+91-2824-283383/283108/9662517626		પરંપરાગત (સ્વરકાર)	કીર્તનમાળા-૪	Studio	Audio	0 0
નમુનો આખું ડાઉનલોડ	ગૌતમ અંબાસણા		શ્રી દેવ ઉત્સવ મંડળ,શ્રી સ્વામિનારાયણ મંદિર,ભુપેન્દ્ર રોડ, રાજકોટ. ગુજરાત ,INDIA. ફોન. નં +91 2232494	રેકોર્ડીંગ ગુણવત્તા-સારી	પરંપરાગત (સ્વરકાર)		Live	Audio	0 0