વદનતર્જિત - રમ્ય - હિમાંશુકે
કમલકોમલ - પત્રવિલોચને ।
મદનમોહન - સુન્દર - વિગ્રહે
ભવહરેઽસ્તુ મનો વૃષનન્દને ॥૧॥
મુનિસમાજ - સદાસન - સંસ્થિતે
પુરટનૂપુર - રમ્યપદામ્બુજે ।
ઉદરનાભિ - વલિત્રય - રાજિતે
ભવહરેઽસ્તુ મનો વૃષનન્દને ॥૨॥
કુસુમમાલ - વિશાલભુજાન્તરે
મધુરહાસવિલાસ-મુખામ્બુજે ।
રુચિર - કેસરચન્દન - ચર્ચિતે
ભવહરેઽસ્તુ મનો વૃષનન્દને ॥૩॥
જઘન - કાંચન - ભાસુરમેખલે
લલિતમૌક્તિકહાર - મનોહરે ।
કુટિલ - મંજુલનીલ - શિરોરુહે
ભવહરેઽસ્તુ મનો વૃષનન્દને ॥૪॥
વિશદચન્દ્ર - કરપ્રભ - શેખરે
પ્રણતપાપવિનાશ - દિવાકરે ।
ધૃતવલક્ષ - વિશાલ - ઘનામ્બરે
ભવહરેઽસ્તુ મનો વૃષનન્દને ॥૫॥
ક્ષપિતભક્ત - મનોભવ - વેદને
કનકભૂષણ - હારિ - કરદ્વયે ।
અરુણરાગ - શિરઃપટ - શોભિતે
ભવહરેઽસ્તુ મનો વૃષનન્દને ॥૬॥
તિલકલક્ષણ - રાજિત - ગંડકે
શ્રુતિસિતેતર - બિન્દુ - મનોહરે ।
શ્રવણકુંડલ - શાલિ - કપોલકે
ભવહરેઽસ્તુ મનો વૃષનન્દને ॥૭॥
મધુરવાક્ય - સુધારસ - પોષકે
નિજજનોદિત - યોગરહસ્યકે ।
વદતિ સંસદિ કૃષ્ણ - નિરૂપણં
ભવહરેઽસ્તુ મનો વૃષનન્દને ॥૮॥