શ્યામ સલૂણો શ્યામળો મતવાલો મતવાલો રે ૨/૪

શ્યામ સલૂણો શ્યામળો મતવાલો, મતવાલો રે ;

મતવાલો રસિયો બલવીર, હુંસે રમે હરિ હોરિયાં. મત૦ ટેક

નેહ જણાવે નાથજી નયણુંમાં, નયણુંમાં રે ;

નયણુંમાં ભરે શ્યામ અબીર, લે લે સુંદર ઝોરિયાં. મત૦ ૧

સર્વે વ્રજની સુંદરી મુખ ગાવે, મુખ ગાવે રે,

મુખ ગાવે ગેરે સુંદર ગીત ;

રસિયાને રીઝવવા દેખી વાધે, દેખી વાધે રે,

દેખી વાધે કાંઇ પૂરન પ્રીત, ભૂધરને મન ભાવવા. મત૦ ર

ગોકુળની ગોવાલની જોવા આવી, જોવા આવી રે,

જોવા આવી જમુનાજીને ઘાટ ;

રૂપાળા વ્રજરાજને હેતે હેરે, હેતે હેરે રે,

હેતે હેરે ડોળે રંગ માટ, રંગ રંગે સર્વે સાજને. મત૦ ૩

મરમ વજાડી મોરલી હરિ ગાવે, હરિ ગાવે રે,

હરિ ગાવે ઉભા રાગ વસંત ;

હોરિ હોરિ મુખ ઉચ્ચારે બ્રહ્માનંદનો, બ્રહ્માનંદનો રે,

બ્રહ્માનંદનો વહાલો બળવંત, કાનકુંવર લીલા કરે. મત૦ ૪

મૂળ પદ

હેલ ઉપાડી એકલી હું તો ગઇતી

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી